Ostegun izan zen gizona

Scotland Yard-ek Gabriel Syme agentea errekrutatzen du bilbe anarkista bat argitzeko eta horretarako bere bilera ezkutu batean infiltratu behar izango da. Ostegun izan zen gizona G. K. Chesterton idazle britainiarraren eleberririk herrikoenetako bat da eta aldaera literario berezikoa da. Nahiz eta itxuraz polizia arlo zorrotzekoa izan, non suspensea eta ezustea paper nabaria jokatu, kritikariek tesi-eleberri antzeko bat ikusi dute. Lan honetan baita, polizia-fantasia, kontaketa onirikoa edo panfleto politikoa ere ikusi izan da. Chesterton-en umore finak Schopenhauer-en filosofiaren kontra (Worms-eko irakaslearengan haragituta) azkonak botatzen ditu, baita Nietzsche-ren pentsamenduaren edo bere garaian sortzen ari zen ideologia anarkistaren aurka. Chesterton-en arabera, eleberri mota berri bat zen, pentsamendu modernoak tipifikatzen zituena, baina ez argudioekin, baizik eta gertakari sinbolikoekin, hau da, komedia alegorikoa.